افندينا أنعم علينا بعلاوة

افندينا أنعم علينا بعلاوة

تجيب كيلو جبنة وعلبة حلاوة

آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****

أفندينا أعلن صدور القرار

و قبل اما ينجح في أي اختبار

فوجئنا بزفة و مولد و زار

قصايد.. جرايد.. برامج.. يفط

*****

تؤكد بأن الحكومة.... بذكاء

و من حزمة واحدة قضت ع الغلاء

و لابد يبقى لدينا... انتماء

و ناكل و نشرب و نلبس خطط

*****

عبال النمو اللي قالوا عليه

و حايشينه عنا مانعرفش ليه

ماتلمح مكانه في مراية عينيه

و نقدر ندوق منه... حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقـنا اللي صح وكلامك غلط

*****

قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****

اذا الشعب صدى بفعل البارومة

حاتعمل حسابه ف ايه الحكومة

وهي اللي جاهزة بكرباج وشومة

عشان لوفي واحد في عقله اتخبط

*****

تعيش مصر دايما في عز و جمال

يعيش المواطن شـديد الاحتمال

و آمن تماما من الاشــــتعال

و أقصى ما عنده.... ينكت فقط





احمد فؤاد نجم

مبارك ينصح بوتين بعدم التخلي عن السلطة

l

ياعم بوتين اعقل**** ها تسيب السلطة ليه

ما انا ربع قرن قاعد**** حصل لي بس ايه

دا الكرسي يا ابني جنة**** للي بيقعد عليه

تبقي البلد ف ايدك **** مفتوحة ولا البوفيه تغرف

وتملا جيبك*** وجيوب ولاد الايه

وتخدم اصدقائك**** في أميركا والاليزيه *****

اطلب من بوش فترة **** وها يخسر يعني أيه

دا كريم وايده فرطة**** بس انت اضحك عليه

قل له ان الفودكا ملكه**** والكافيار والفيليه

قل له ان الغاز بتاعه**** ما تعزش شيء عليه

قل له أنا قاعد بحسك**** ومصيرك بين أيديه

ابعت نظيف بتاعك**** فهمه ها يقول له ايه

يقول له بوتين عاوز**** الى يطبطب عليه

***** لو شايفه فاتح بقه**** على حد م الجيران

اعمل نفسك مطنش**** خليه ياخد الامان

وبعدين اعمل منظر**** يعني تطلع بيان دي أمور أنا

مجربها****وبأعملها من زمان

تبقي انت واحد منا**** وتنضم للخلان


*****

ياخسارة دا انت نونو**** لسا في سن الشباب

ليه تترمل في عزك**** وتسيبها للكلاب

لو فيه عندك عيال**** يبقالها الف باب

دا السلطة البعد عنها**** بدون الموت عذاب

ها تبقى ايامك صعبة**** وتشوف النوم سراب

أنا ناوي اخدها دايركت من الكرسي للتراب

*****

بس انت اديني رنة**** وانا ابعت لك سرور

ترزي لكن معلم**** أيده تتلف في حرير دا حجة في

المغالطة**** ومكلمة في الزور يعمل من الحق باطل****

ويسمي الضلمة نورفي سهرة واحدة منه**** ها يظبط

الامور

لو كان دستوركو عاصي**** يحلبه لو حتى تور

أنا مابخفش

أنا مابخفش
رائعة الشاعر احمد فؤاد نجم
الجديدة

أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

عشان انت مصري

عشان انت مصرى

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عاملك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

كل حاجه فى بلدنا أصبحت غريبه

--------------------------------------------------------------------------------

كل حاجه فى بلدنا أصبحت غريبه

الأرهابى رسموا على قورته زبيبه

والاغانى بتتكتب عن حيوانات فى الزريبه

والأسعار بترتفع بصوره رهيبه

والحرامى بيتغنى ويتهرب من الضريبه

والغلبان بيتمسك ويتحط فى التخشيبه

والبلد كلها أصبحت نهيبه
-------------------------------------
كل حاجه فى بلدنا أصبحت غريبه

النظافه فى الشوارع بقت مافيش

واللبن فاسد من التغشيش

والمراكز العليا محتكرها متقاعدين الجيش

والحكومه نازله سجن فى الأخوان وتطفيش

والشباب بيعانى من الضياع والتهميش

والمساطيل زادوا من غير أفيون ولاحشيش
------------------------------------
كل حاجه فى بلدنا أصبحت غريبه

الزحام زاد فى قاهره المعز

والأنفلونزا طالت الفراخ والوز

والحديد بقى أبن عز

والاسمنت سعره زلزال بيهز

وأحنا مش لاقيين العيش والرز

واللى يعترض يتقال له طز
---------------------------------
كل حاجه فى بلدنا أصبحت غريبه

بعنا كرامتنا ومشينا ورا الامريكان

وطلبنا منهم المعونه والأحسان

والديمقراطيه ماأنش ليها الاوان

واللى يتظاهر يتضرب على ظهره بالعصيان

والمحروقين والغارقنين نسيناهم فى الأكفان

وشغلنا نفسنا بقضيه هاله سرحان
-------------------------------------
كل حاجه فى بلدنا أصبحت غريبه

الجراج بنوه ودفنوه من غير جنازه

وكأن الفلوس كثيره عندنا ومالهاش عازه

والشوارع مليانه باخوان التوربينى وبزازه

ووزاره الشئون وجمعياتها واخده اجازه

والحكومه مرتبطه مع الحزب بجوازه

وأحنا بنشرب من سنين من نفس الازازه
-------------------------------------
كل حاجه فى بلدنا أصبحت غريبه

كل واحد كان بليد فى المدرسه وخايب

كبروا علينا وعملوه نايب

وقزقزه اللب والنوم فى المجلس أمر مايتعايب

والاراضى والشاليهات بتتوزع على الحبايب

والمال العام بيتسرق وكأنه مال سايب

والشعب كله بيعاملوه على أنه غايب
----------------------------------------
كل حاجه فى بلدنا أصبحت غريبه

البقر والجاموس جالها حمى القلاع

وعمر أفندى أتباع من بعد صراع

والدور جاى على باقى القطاع

ورجل أعمال من النوع الطماع

بنى قدام القلعه أبراج وقلاع

والشكل التاريخى للمنطقه ضاع
-----------------------------------
كل حاجه فى بلدنا أصبحت غريبه

قدموا مواد من الدستور للتعديل

والنتيجه كانت تعديل هزيل

واللى يعترض يبقى خاين وعميل

والتزوير شغال الصبح وبالليل

و ناس بتهرب الفلوس وبتعمل لها غسيل

وأصحاب مراكب نايمه وعايشه فى النيل

منسيه من الدوله وكأنهم مجاهيل

كل حاجه فى بلدنا أصبحت غريبه

كل سنه وانتى طيبه يا مصر

كل سنه وانتى طيبه يا مصر
والريس بخير
ومحافظ ع القصر

كل سنه وانتى طيبه
ومبارك علينا
اكل قوت عيلنا
ومأربج رجلينا

كل سنه وانتى طيبه
وجمالك جمالنا
يومين ويمسك
ويجيب اجلنا

كل سنه وانتى طيبه
وعزك حديد
نشيد ونبنى
احنا العبيد

كل سنه وانتى طيبه
ونظيف تاريخك
يخصخص يبيع
ويبوظ رغيفك

كل سنه وانتى طيبه
ونظامك حبيب
مخوفنا كلنا
ومقوى الغريب

كل سنه وانتى طيبه
ومنصور شبابك
يغرقنا يولعنا
ويدفنا فى ترابك

كل سنه وانتى طيبه
واذهرك سيد
نقول ونفتى
ومع الصهاينه نعيد

في البلــد دي

:: في البلــد دي ::


فى البلد دي كن حرامي ومرتشي
أهبر واوعاك تختشي
اوعى مرة في يوم تصدق
ان في واحد عصامي
كل شركة وكل مصنع
يرأسها واحد حرامي
وان وقع مرة يحامي ليه
اربعين مليون محامي
*******
المبادئ فى البلد دي
والمثل.. حبر وكلام
شوف معايا بالكتير
ان بعتهم هيجيبوا كام
مش مكانهم ولا زمنهم
دول هناك تحت الركام
عيش حرامي فى البلد دي
وموت حرامي
وبفلوسك راح تنول كل احترامي
*******
مش مصدق لية كلامي
فى البلد دي بيقطعوا ايد الشريف
فى البلد دي الحر بيموت على الرصيف
فى البلد دي ننحني علشان رغيف
فى البلد دي ماعدش فيه انسان نضيف
غير عيال في امهم متشعبطين
او عامل في الصحرا
وعرقه على الجبين
او هجين فى الساقية
حمال الطحين..
او فلاح في البرد نايم على الطين
هما دول بس في بلدنا الناس الطيبين

بحبك يا مصر

قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
*******
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
*******
قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور
*******
وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي
*******
وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها
*******
أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد بره
يا ناس يا أهل البلد شارياه وشاريني
من يعترض ع المحبة لما ربّي يريد
كان الجواب ان واحد سافر اسرائيل
وانا أبويا قالوله يللا ع الترحيل
دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني
*******
قالولي بتحب مصر فقلت مش عارف
بحب أقعد على القهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم
*******
أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد
*******
قالولي بتحب مصر فقلت مش عارف
قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور
*******
عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور
*******
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور
*******
قالولي بتحب مصر فقلت مش عارف
لا جيتها سايح ولاني أعمى مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز
*******
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ
*******
يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان
*******
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين
*******
والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر
*******
قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف
*******
أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر ياحبيبة
*******
يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر ياأصحابي يانور العين
ياشنطة المدرسة يادفتر العناوين
ياضغطة البنت بالكراسة ع النهدين
ترقص قصاد المراية، واحنا مش شايفين
يا صحن سلطان حسن ياصحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات
*******
-

ماتيجـي نلعـب شطرنـــج

ماتيجـي نلعـب شطرنـــج

الأول : تلاعبنى شطرنج ؟

الثانى : ماشي .. معاك الشطرنج ؟

الأول : آه .. أهه

الثانى : و ده مصنوع فين ؟

الأول : فى مصر

الثانى : لأ طبعاً ... مش هلعب .. هوّه أنا إتجننت؟

الأول : ليه ؟

الثانى : يابنى الشطرنج اللى معاك ده الوزير فيه
ما بيتحركش من مكانه قبل 20 سنة

الأول : خلاص نجيب واحد تاني

الثانى : أنا معايا واحد .. بس فيه حاجة غريبة

الأول : إيه ؟

الثانى : مكتوب عليه

Made in China .. especially for Egypt

الأول : إشمعنا ؟

الثانى : حاطين فيه الوزير على كرسى بعجل

الأول : ليه ؟

الثانى : لسببين

أولا : السن له حكمه

ثانياً : علشان مايبعدش عن الكرسى حتى لو
إتحرك من مكانه ... تعرف إنى سمعت أن أغلب
المسئولين المصريين بيعتبروا الفيل أهم قطعه
فى الشطرنج؟

الأول : لأ .. ليه؟

الثانى : علشان عمره ما بيمشى مستقيم

الأول : على كده بقى بيلعبوا من غير طابية

الثانى : و عندهم كمان الملك بيقتل أى حد
و يمشي زي ما هو عايز و معندهمش حكاية
الخطوة الواحدة دي .. الملك خطوته قفزه للأمام

الأول : هما برضه عندهم الحاكم من النوعية
بتاعة : شلوت سعادته دفعه للأمام يا افندم ؟
وشخبطة ابن سيادتك الصغير تخطيط لمستقبلي
!!!
الثانى : يابنى ده الطبيعى

الأول : طب و العساكر

الثانى : أصلاً مش موجودين

الأول : ليه ؟

الثانى : مشغولين بالشعب

عشان انت مصرى

شعر لأأحمد فؤاد نجم

عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

طاطي راسك طاطي طــــاطي

طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي

* *
لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي


**
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي

**
لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي

* *
لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي


**
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي
**

لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي

رد عليه واحد وقله

فيه ناس قادرَه تطاطي الراس

قاطعَه الصَفحَه من الكرَّاس

عايشين في الضَلْمَه الوطواط

يحتى كلامهم ده بصوت واطي…

وان ما يخاف الحُر

ح يِقدَرْيكتب ع الهَم

المِتقَدَّرْيوم والتاني

راح نتحرريرفع علمه عبد العاطي

**

دستور يا سيدنا

دستور يا أسيادنا



دستور يا اخوانا يا بعدا

لأ سوري دستور م البعدا

محبوس حابس يا سيادنا

و بكاكي من فوق مدنة

و ورايا ديوك بيكاكو

حرصوا عالباقي معاكو

بركة مولانا هولاكو

حلت و علينا اللعنة

طرطور طرطر طراطير

بيغروا فالدساتير

و لا عاد فالحتة كبير

و يا وارث تورث مين

ما الورث إتباع و إتبعنا

نرجع تاني لموضوعنا

و بيان لديار الإفتا

من جمهورية زفتا

لعبو و عملوها إستفتا

صوت ياللي سامعنا

و قوللي ملك ولا كتابة

أسد شبل ف الغابة

و احلف وحياة راس بابا

زفة فمولد كدابة

و الله يجازي اللي خدعنا

للجوكر ألف تحية

ملعون خاش الحرية

يحيا قانون العبودية

و القوانين الوضعية

و الحكومات الشمولية

لها مني ألف تحية

وحياة أمي دي رجعية

و لو صوتنا و جعجعنا

واحد ولافيش غير هوه

قاعد متربع جوة

و بكيفك أو بالقوة

لو سوبر مان و فتوة

روح قله بقى يودعنا

عصابات شغل فتوات

و إستعباط على حركات

و السقا أبوه لو مات

حيقوم يسقي الشربات

و يكمل على مواجعنا

مزيكة و تراباتتو

و نفديك بالدم.. إفدوه

بس إحنا و رحمة أبوه

مين ده اللي حيلوي دراعنا

روح هاتلي لمون بالصودا

انا حاسة بريحة شوطة

حيصعدوا فصل الروضة

و الورث حيصبح موضة

لم الجدعان و اتبعنا

على قهوة ساقية مكي

نصرخ نلطم و حنبكي

ده ناويها و بيتكتكلي

قبل ما حتى يودعنا

ظقططوا يا عيال قولوا هيه

الحكم صبح تيك أواي

لو عايز قول أوكيه

و لو رافض قول أوكيه

في كلا الحالتين نوو واي

غير كودية و زار ينفعنا

لأنا عايزة بخور م الجاوي

و حمار أرمل و حصاوي

و دراع برغوت مش غاوي

تنطيط عفريت و مخاوي

شلة مقاطيع يقطعنا

حابس من شر الكرسي

من شر عزيزة و مرسي

من قرص النمل الفارسي

م الأحياء و الأموات

من كايرو إلى بغداد

أشتات أشتوت أشتات

حرصوا من لعب السيكا

م الحكشة و م البولوتيكا

و لا تشمت يوما فيكا

مارشيل بنت أم ماريكا

قول حاجة الله يهديكا

و ادعي معايا يخليكا

حلوا بقى عن أوجاعنا

و انصرفوا عليكوا اللعنة

انصرفوا عليكوا اللعنة

من أحمد فؤاد نجم إلى حسني مبارك

من أحمد فؤاد نجم إلى حسني مبارك

سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

يــا بلـدنـا إيــه جـرالـك؟

يــا بلـدنـا إيــه جـرالـك؟

مـــا كـنــا كـويـسـيـن

إنـقـلـب لـيــه حـالــك؟

بقـيـنـا فـيـكـي تايـهـيـن

دا طمـعـان فـــي مـالــك

و دا مــا عـارفــه مـيــن

دا عــمــال يـتــعــارك

لـيـكــون م الـواصـلـيـن

ودا الـلـي بـالــي بـالــك

شـــادد لـــه نـفـسـيـن

حـزنـانــة و يــبـــارك

و كـلــنــا فـاهـمـيــن

إنـــــه ح يــشـــارك

مـن بـاعـك لـنـاس تانيـيـن

لـــو الـظــلام حـالــك

تـكــتــر الـشـيـاطـيـن

يفـضـل حـالـي و حـالــك

حـــــال الـمـسـاكـيـن

القـلـب إتعـمـي و لـذلــك

كــتــروا الـنـصـابـيـن

فــي الـطـريـق الـسـالـك

حـطــوا ألـــف كـمـيـن

مــن وقــع فـيـه هـالـك

و لـــو عـلـمـه مـتـيـن

فـاكــره مـيــن جـالــك

يــــا أم الـمـصـريـيـن؟

يـوم مـا الـعـدو حـاوطـك

ناديـتـي إبـنــي فـيــن ؟

الـلــي ضـحــى لـــك

إبـــن للـعـهـد أمــيــن

أصـلـه فـــي غـرامــك

حـالــف ألـــف يـمـيـن

لـــو الـعــدو مــســك

يفديـكـي بـنــور الـعـيـن

يـدافـع عـــن عـرضــك

يحمـيـكـي م الـفـاجـريـن

أصـلـه لطـيـن أرضـــك

عـاشـق مــن العاشـقـيـن

لــو فــي يــوم فـارقـك

يـبــات قـلـبـه حـزيــن

حتـى القسـيـة لــو مـنـك

تـزيــده لـيـكـي حـنـيـن

إنـســي مـــن بــاعــك

ليـاخـد فـيـكـي قـرشـيـن

أحـــضـــنــــي ولادك

الـلـي علـيـكـي باكـيـيـن

الـلــي هـمـهـم هـمــك

م الفـجـر ليـكـي قايـمـيـن

يـصـلــوا و يـدعـولــك

يعيـشـوا فـيـكـي آمـنـيـن

ناس وناس

نــاس ونــاس
شفت كتير أشكال أجناس شفت وشوش شفت رتوش شفت الناس من بين الناس
*******
ناس شقيانه وناس تعبانه وناس تتعب لو مضغوا لبانة وناس ظهرها محني من الفاس
*******
ناس من كتر الغلا مكبوتة مش قادرين يشترو كيلو قوطه وناس مبسوطة عايشه حياتها في شرب الكاس
*******
ناس فقرا ومش قادرة تعيش أكتر كلمة تقولها مفيش وفي ناس تاخد ما بتديشوعشان تدي إيديها تتباس
*******
ناس كرامتها فوق الكل رغم الفقر ما ترضاش ذلوفي ناس واطية زي الفل تِوْصَل لو حتى هتنداس
*******
ناس دايماً واقفين طوابير لقمة عيشها ده هم كبير وفي ناس رغم إنها طنابير عمر ما تتعب ولا تحتاس
*******
ناس تديها ظهرك تإذيك وناس تتمنى إنها ترضيك عايشة حياتها كلها ليك بتكمل معنى الإخلاص
*******
ناس عايشة في زحمة ودخانشمس وحر وخنقة كمان وفي ناس تانية قليل ما تبان وبتتشال كده فوق الراس
*******
ناس تلاقيها ساعة الجد عمر ما تتعب ولا تتهد وفي ناس عمر ما ساعدت حد نفسي وبس – أنا وخلاص
*******
ناس بالرغم إنها محتاسه ما بتطلبش عشان حساسه وناس تندب في عينها رصاصه ناس منزوع منها الإحساس
*******
لكن بين الناس والناس شفت وشوش شفت رتوش شفت الناس كده غير الناس

الغلابه

الــغلابـــــــــة


في يوم جديد ومش سعيد
في بيت قديم من غير حديد
عــم عــيد قــام من نـومه
صلي الفجر ولبس هدومه
صحي اولاده وصبح عليهم
شاف احلامه في نظرة عنيهم
*******
ابـنه الصغير خمـس سنين
قاله يا بابا رايح على فيـن؟
قال ياحبيبي رايح على شغلي
هرجع بسرعة وهخلص بدري
سلم عليهم وخدهم في حضنه
واتكل على ربه وسلمله امره
بدأ طريقه والمشوار بعيد
واتمشى لغاية السكة الحديد
شاف الناس اشكال وألـوان
ناس تـركب اكـسبريس
ونــاس تركب الغلبــان
وعم عيد مش لاقي مكان
*******
ركب مع الغلابة اللي هو منهم
العيشة النضيفة بعيدة عنهم
وقف في ركن عليه بالمقاس
في وسط الخنقه وزحمه الناس
ومفيش للرجل مكان ينداس
شويـة يقـف وشـوية يقـوم
ومن كتر تعبه راح في النوم
قام على صريخ واحد جنبه
وطل من الشباك اللي عنده
شــاف قطـر جـاي عليـهم
بيقرب منهم وهيخبط فيهم
*******
عم عـيـد وقـف مـكـانه
وسط صراخ الناس من الخوف
مش بيفكر غير في عياله
والكل على حياته ملهوف
بس القدر قــال كلمته
وصوت الموت الناس سمعته
الـمنـاظر كـانت رهــيبة
والـحديد اصبـح عجـينة
ومـات عــم عيـد الغلبـان
وغطي دمه على القضبان
*******
ونرجع ونقول مبن المسؤول
ومـن العـقاب مين هينـول
ويطلع ويقولك ده خطأ مشهور
يا من السواق يا من السيمافور
عيني على الغلابة اللي في بلدنا
وعيني على اللي راحوا من ولدنا

سلام مربع

ســلام مربـّـع

*********************
سـلام مربـع

للي ربّع

او مدوّر

للي دوّر

في البلد دي ع الأمانـي

سـلام مربـع للأمانـي

وجمهورية كانـي مانـي

ولنظامها البرلمانـي

سـلام مربـع للكبير اللي استربّع

فوق دماغ مشّش و صدّع

من كـلام عمال بيرسم

دنـيا حلوة فـ الأغانـي

سـلام مربـع للأغانـي

*******
سـلام و داير ع الصوانـي

كـلام و ماشي في ديل كـلام

ولحن تايه في الزحام

غنّى النظام علشان ننام على صوته

نمنا ما قومنا تانـي

سـلام مربـع للي ناموا ماقاموا تانـي

اللي طافوا واللي خافوا

واللي شد عليه لحافُه

وغمّى عينه ع اللي شافه

و راح يقدم للي كمم صوتنا

ولابنه التهانـي

سـلام مربـع للتهانـي

*******

ابن وز وغصب عنا في نيل هوانا

سوا برضانا او المهانه

راح يعوم

ابن حاكم يبقي حاكم

بالوفاق او بالمحاكم

في القانون المستحيل لازم يهون

والوريث يصبح رئيس

بشكل شرعي و فـ ثوانـي

سـلام مربـع للثوانـي

*******

تشريعات على كيف هواهم شرّعوها

وعود قالوها و ضيّعوها

و لعبة بايخة اتعودوها

ناس بترضى وناس بتخضع

ناس مُناها تحب تسمع

يبقى تسمع على مزاج

خطبة تخلق الف مصنع

خطبة تروي و خطبة تشبـع

خطبة تبنـي

فوق رمال الصحرا ألَفات المبانـي

سـلام مربـع للي بانـي

*******

بانـي مجد عشان طموح

مجـروح جمـوح

ظالـم أنانـي

اللي علّى لاجل يعلا

واللي غنّى لاجل يغنا

واللي لما وريده يعطش

يملا بدمانا القنانـي

واللي عمّر واللي دمّر

واللي فكّك واللي سمّر

واللي حزّر واللي فزر

واللي عارض واللي هزّر

واللي شاف الباشا مصلح

واللي شافه وضيع وجانـي

سـلام مربـع للي جانـي

*******

شيء يحزّن

لما صاحب الحق يشحت

لما لون الصدق يبهـت

لما يصبح في البلد دي

الشمال زي اليمين

شيء يحزّن.. شيء يحزّن

لما نرضى و نستكين

و لما يرقص طول السنـين

أراجوز لعيـن

بشكل سافر بهلوانـي

قال هوانـي.. وزاد هوانـي

*******

سـلام مربـّع

للي قال انه هوانـي

وزاد هوانـي

للوعود البهلوانـي

للوريث المعجبانـي

للنظام البرلماني الكاني ماني

*******

سـلام مربـع

للي قطّع واللي ربّع

و اللي مزّع و اللي وزّع

و اللي قلّع و اللي ولّع

و اللي دلّع..

و اللي شخلع في البلد دي

لاجل تبقي

صورة أفظع

للنظام الامريكانـي

سـلام مربـع

للنظام المصر كانـي

هفضل حمار !!!!!!!!!!!!!!!!!

شعر عامي عما يحدث في مصر في الفترة الأخيرة

وبه تلخيص لمعاناة المواطن المصري

******************************
هفضل حمار .. وما تكلمش ..

حمار .. حمار ..ما بتفرقش ..

أنا حمار .. وانت حمار .. وناس بهايم ما بتفهمش ..

سنين وعايش .. أو مش عايش ..

ما بسألش ..

من غير وظيفة ..

جيوبي نظيفة ..

ما فيهاش تعريفة .. وما بفكرش ..

هفضل حمار .. وما تكلمش ..

حمار .. حمار ..ما بتفرقش ..

من غير كرامة .. وأفكار هدامة ..

كفاياني ملامة .. لو فكرت ..

حبس وتعذيب ..

إصلاح وتهذيب ..

لازم أندم .. إزاي ماأندمش ..

على إني يوم .. صحيت من النوم ..

أجرمت وفكرت ..

هفضل حمار .. وما تكلمش ..

حمار .. حمار ..ما بتفرقش ..

سنين ساكتين ..

آكلين عايشين ..

جعانين عايشين ..

ما بتفرقش ..

تحت الأرض .. جوا الطين ..

ما بنمتش ..

جوانا حنين .. جوانا أنين ..

صامدين صامتين .. وما بنقولش ..

هفضل حمار .. وما تكلمش .

.حمار .. حمار ..ما بتفرقش ..

فضفضة .. فصفصة ..

سرقة وقصقصة .. بيقولوا خصخصة ..

شركات كتير .. والكرش كبير ..

تحميه مَريَسَة ..

أصله مدير .. أو أمير ..

جايز وزير ..

ويا نظيف .. من غير تكليف ..

البيه خفيف .. فلوس كتير ..

ملك الغير .. ما يهموش ..

ما هو صاحبنا ..

باعهالهم مفروش ..

هفضل حمار .. وما تكلمش ..

حمار .. حمار ..ما تفرقش ..

جوا المحروسة .. انتخابات كوسة ..

كوسة في كوسة .. ما تدورش ..

تزويرات مفقوسة .. وبلطجة مدروسة ..

وبنت الزيني .. مابتكدبش ..

هفضل حمار .. وما تكلمش ..

حمار .. حمار ..ما بتفرقش ..

قضاة ينضربوا ..

صحفيين يتحبسوا ..

ما بسألش ..

ما هوش غلطان ..

أصله كبير .. وما بيغلطش ..

وكلنا حمير ما بنفهمش ..

هفضل حمار .. وما تكلمش ..

حمار .. حمار ..ما بتفرقش ..

احنا ولا البلد

..ولاد البلد ! نفسنا نحب مصر بجد، لا نقعد نطلع فيها القطط الفاطسة.. ولا نفضل نغنيلها إنها أم الدنيا وأجمل بلد في الدنيا.. لإنها لا هي وحشة قوي.. ولا هي عاصمة النور..

سمعنا بيت الشعر ده مرة واحنا قاعدين سوا، وسألنا نفسنا نفس السؤال.. هو إحنا بنحب مصر..وكانت المفاجأة الفظيعة.. إننا كلنا مش عارفين!!لا إحنا عارفين إن كنا بنحبها ولا لأ..ولا إحنا عارفين حتى يوم ما نحبها نحبها إزاي..الناس حوالينا مقسومة نصين..الأولاني: شايف مصر أم الدنيا.. حتى ولو كان ملهاش أب..والتاني: مش شايف في مصر غير الزبالة والحثالة والقناة الخامسة..إنما إحنا..إحنا عارفين كويس إن مصر أم الدنيا، وفي نفس الوقت ينتفرج على القناة الأولى والتانية، أينعم هما مش حلوين.. بس هنعمل إيه لما الدش يعطل!!؟باختصار، احنا واخدين قرار إننا نحب البلد دي.. بالذوق بالعافية هنحبها.. لإننا باختصار.. معندناش غيرها (!!)تعالوا الأول نقولكم إحنا مين..
لحظة ميلادنا :
كانت خلال الـ30 سنة اللي فاتت .. عشرينات بقى!!
اسماءنا :
محمد ومحسن ومايكل ومنيرة..مسلم على مسيحي.. وحدة وطنية يعني..
عنوانا :
الدقي والجيزة وطنطا وإسكندرية والمعادي وأسيوط وبولاق الدكرور.. يعني كل شارع وكل حارة في البلد..
أحوالنا :
عايشين، صابرين ع الهم، وفرحانين إننا قادرين نصبر، باختصار.. احنا بنتلكك علشان نفرح.. بننتهز الفرصة عشان نثبت فيها اننا قادرين نعمل أي حاجة.. وبنعملها!
أحلامنا :
نفسنا نعيش.. من غير هامش ..إحنا يا ناس جيل الهامش ..هامش حرية وهامش ديموقراطية وهامش هوا نضيف وهامش عيشة كريمة ..
إرادتنا :
حديد ..لإننا معندناش اللي نخسره ..لكن كلنا أمل إننا هنكسب كتير بحريتنا ..استنونا ..يمكن ندق علي بابكم بكرة ..النهاردة ..دلوقتي ..معندناش وقت نضيعه ..قوموا معانا!............ ...نفسنا نحب مصر بجد، لا نقعد نطلع فيها القطط الفاطسة.. ولا نفضل نغنيلها إنها أم الدنيا وأجمل بلد في الدنيا.. لإنها لا هي وحشة قوي.. ولا هي عاصمة النور.. تعبانين، لكن قادرين ننبسط وإحنا ماشين في وسط البلد، جعانين.. لكن ترمس الكورنيش بيصبرنا ع الجوع، وطبق أبو طارق رخيص وبسيط.. وبيشبع!بنروح Chilis وCortigiano و Nile Maxim وBlue Nile...مرة كل كاااام شهر...و Crepe away و Fish market معزومين طبعا !!!بنحب مصر، مصر الحقيقية اللي شايفينها بعيونا، لا بعيون الأجانب.. ولا بعيون الأهرام والأخبار والجمهورية.. كل أملنا إننا نعيش ونموت في البلد اللي اتولدنا فيها.. وإننا نوفي حقها علينا... لإننا ولادها.. ولاد البلد.. تعالوا معانا!

صرخه مواطن مصري

صرخه مواطن مصري مطحون

------------------------------------------
دوختونا وبهدلتونا
عطشتونا وجوعتونا

لا وظايف لاقيين لولادنا
ولا واخدين حقنا فى بلدنا

ولو كحينا او اتنهدنا
لابو زعبل على طول تاخدونا

*****************

السكر فى البيت ممنوع
الراتب مايكفى اسبوع

باقى الشهر نموت من الجوع
والقلب المحزون موجوع

ع الفقر احنا تعودنا
ودخنا كمان واتبهدلنا

************************

لا ملاحقين جرى الاسعار
والعيشه دى مرار فى مرار

وبخمسه الكيلو يا خيار
حتى الرز اهو ولع نار

ولا سلمون لاقيين ولا تونا
دوختونا وبهدلتونا

************************

ما تقللى وقدمللى الحل؟

بصراحه كده صبحت خل!!!!!

حتى انا مخى معاك أختل
عقلى اتجنن فكرى أتشل

*******************************************

هذه صرخة مواطن مصرى مطحون, رأيت من واجبى كمواطن مطحون مثله أن انشرها الى كل المطحونين فى الأرض...........!فاذا كنت من المطحونين فلتنشرهاواذا لم تكن ( يا بختك يا عنى من قلبى والمصحف)يبقى متبعتهاش واحتفظ بيها للذكرى الخالدهولما تبقى تواجهك مشكله هايفه وتبقى مدايق ابقى اقراهاعشان تعرف انك فى نعمه

الحمد لله

الحمد لله خبطنا

تحت بطاطنا

يا محلا رجعة ظباطا

من خط النار

يا اهل مصر المحمية

بالحرامية

الفول كتير والطعمية

والبر عمار

والعيشه معدن

واهي ماشية

اخر اشيا

مادام جنابه

والحاشية

بكروش وكتار
*******

ح تقول لى سينا

وما سينا شي

ما تدوشناشي

ما ستميت اوتوبيس

ماشي شاحنين انفار

ايه يعني لما يموت مليون

او كل الكون

العمر اصلا مش مضمون

ونوالناس اعمار
*******

الحمدلله

وأهي ظاطت

والبيه حاطط

في كل حته

مدير ظابط

وإن شالله

حمارايه

يعني فى العقبه جرينا

ولاّ فـ سيناهيّ الهزيمة

تنسّينااننا احرار
*******

ايه يعني شعب

فـ ليل ذلّه

ضايع كله

دا كفاية بس اما تقول

له احنا الثوار

الحمد الله

ولا حول لمصر

الدولةغرقانة فى الكدب

علاولة والشعب احتار
*******

وكفايه اسيادنا البعدا

عايشين سعدا

بفضل ناس

تملا المعدة

وتقول اشعار

اشعار تمجد

وتماين

حتى الخاين

وان شا الله يخربها

مداين

عبد الجبار

واحد اتنين الجيش العربي فين؟؟؟؟

واحد اتنين الجيش العربي فين

الجيش العربي في مصر ساكن في مدينه نصريصحي من النوم العصر ويفطر شاي ومنين

واحد اتنين الجيش العربي فين

الجيش العربي خليجي يقدر لايروح ولايجي وداه صمت استراتيجي مالك يا غراب البين

واحد اتنين الجيش العربي فين

الجيش العربي سوداني سامع خطوته بوداني وانا ههجم فرداني يالا ارجع ياابو حسين

واحد اتنين الجيش العربي فين

الجيش العربي الليبي ذي الفن التكعيبي كله بتنجان يا حبيبي والظاهر واخد عين

واحد اتنين الجيش العربي فين

الجيش العربي في تونس اخضر مثل البقدونس وعزيزه بتعشق يونس يبقي الحروبات بعدين

واحد اتنين الجيش العربي فين

الجيش العربي اتهان من يوم ما اتضربوا الافغان وادينا شايفين افلام العراق وفلسطين

لحد امتي قولولي هنعد ناكل بالدين؟

!!!! اسمي حسين !!!!!

إسمي حسين وسني قريّب م التلاتين وعندي من الإخوات إتنين مصري وعصري وزي بقيت المصريين

والدي موظف في المعاشات والوالدة زي الستـــات جوه البيت بتربي وتتعب لا بتشتكي ولا حتى بتطلب عايشة ف ضل راجلها سنين

إسمي حسين

*********

حبيت واحدة معايا ف الجامعة من سنة أولى لغاية رابعةكنت مناها وكنت عايزها وملقتش فلوس اتجوزهاوضاع الحلم ف غمضة عين

إسمي حسين

*********

خلّـصت التعليم والجيش وجواب التعيين ماجانيش فكرت إني اســافر بره أو حتى أعمل أعمال حره بس هجيب راس ماله منين

إسمي حسين
*********

إتعود والدي على ظروفي وعلى طلباتي وعلى مصروفي ويقولي اصبر بكره هتفرج وأنا روحي خلاص ثانية وتخرج ولا عارف أهرب على فين

إسمي حسين
*********
حاسس إني خلاص عجزت وإنى لاجيت الكون ولاعشت الأحلام بتعــاند فيّا والايام ماليانة أسيّةوالباقي من العمر يومين

إسمي حسين

************************

الكوسه في بلادي

للكوسه ف بلادي شئون

بتخلي المسنود فرعون

يتفرعن فين مهما يكون

بتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه

والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات

كام قرض بمليون مليون

وهروبك طبعا مضمون

للكوسه ف بلادي شئون

ويا عيني لو تعرف نايب

ف المجلس مش نايب خايب

راح تبني أبراج وهميه

أوراقها مظبوطه أكيد

وفلوس الناس المهريه

حتجيلك م الجيب للإيد

بعديها تروح المستشفى

وتقيد نفسك مجنون

أحكامك تسقط ف ساعتها

بعديها ترجع موزون

للكوسه ف بلادي شئون

ويا عيني لو تعرف شيخ

فجنابك طاهر علطول

وصيامك طبعا مقبول

وإذا فرضا حبيت تتجوز

تتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

للكوسه ف بلادي شئون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

للكوسه ف بلادي شئون

ولو انت بتعرف فران

أو واحد بياع جرنان

راح تاخد طلبك وحتمشي

من غير ولا دوشه ولا دور

والناس الغلبانه حتاخد طلباتها

بعدك وتغور

ماهو كله غيرك بيهون

للكوسه ف بلادي شئون

ولو انت زميل الحلاق

راح تحلق اولها زبون

وإذا كنت بتعرف دكتور

حتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون بالبدله

وفيها الببيون تتكلم

وبكل بساطه عن شرف المهنه المدفون

لكن لو شاعر غلبان

قلت اللي ف نفسك علطول

حيقولو مين قال لك قول

ويهاجمك مليون إنسان

والتهمه أنك فنان

مش برضه كلامي يا جدعان

بيحصل .. ولا أنامجنون

و للكوسه ف بلادي شئون

بابا مبارك

أبي الحبيب حسني مبارك
هذه الرساله من طفل صغير الى بابا مبارك
طبعا هو بابانا كلنا
شوفوا الطفل وهو بيكلم بابا مبارك
بصراحه طفل زى العسل
دمه خفيف اوى تسمـحلي أقــولّك يابابا ؟
بابا أنا تعبــان أوي ....لأ مــش سنانــي دي ودانــي !!!.
..أيــوه ودانــي ..أصلي سمعــت كتيــر أوي عن حاجــات
حلوة حتحصــل لنا وما حصلــش منها حاجــة ...حقول
لك شويــة حاجــات منها واخواتي هنا يمكــن يحبــوا
يزودوا عليها شــوية حاجات تانيــة جايز أكــون نسيتها
... بابا مــش عايزك تزعــل منى علشان فتحــت لك قلبــي

(1)

بابا...مصــر فى السياســة والإقتصــاد وحتى فى الرياضــة
بقت في الحضيض.. بقينا في آخــر القايمــة يابابا صــدقنى

(2)

الدول اللى كان محــدش بيسمع عنــها خالــص بقت أحسن
مننا بكتيــر أوي يعنــى دول زي الهند...الفلبين...حتى تايــلاند
عندهم إيــدز وبرضه بيشتغلــوا وبيصدّروا كمــان....إنت نمــت يابابا؟
.....لسه صاحي... طيب أكمــل

(3)

بتشــوف قناة الجزيــرة والعربيــة ودبى يابابا....شوف همّه
وصلــوا وبقوا إيه واحــنا بقيــنا إيه....الإعــلام بتاعــنا
بقه زبــالة بصراحــة يابابا...تفتكــر ده من إيــه؟

(4)

المصرييــن اللى عايشيــن بره محــدش بيســأل فيهم خــالص
يابابا....تصــوّر لو حــد منهم مات ...السفــارة مابترضــاش
تبعت جثته إلا لــو الناس لمّــت من بعضها ودفعــت المعلــوم......ده
غير إن سفــاراتنا بتعاملهم بطــريقة أخر جليطــة وقلّة حيا بصــراحة

(5)

إحنا مابنزرعــش قمــح ليه يابابا ؟؟؟....أنا عــارف إنــك بتحب
الكنتلــوب علشــان طعمــه أحلــى ....مش مهــم

(6)

بابا...بيقولــوا إن إسرائيل ممكــن ترجــع تحتلّنا تانى علشــان
المعاهدة اللــي عمّــو أنــور مضى عليها دي.....
مينفعــش تلغيــها يابابا وندخّل جيــش مصــري في سينا

(7)

هــوه ليه عمــو عمرو خــالد وأنكــل يوســف القرضــاوى
ملهمش برامــج على التليفزيــون المصــري يابابا ؟؟؟....
ليه كل البــرامج بتطلــع فيها روبــي ونانســي ودينا؟؟؟....
طــب عمو طنطــاوي مابيزعلــش لما بيشــوف الحاجــات دي ؟

(8)

فيه إشاعــة بتقول إن عدد الجــراد اللى هاجم مصــر
70 مليون جرادة يعنى نفــس عدد شعــب مصر وإن عمــو
كمال الشاذلى هــوه اللى بعتهــم علشان يقولــوا نعم
يامبارك .... صحيــح إنهم كتبــوا ليك مبايعة علــى ورق الشجــر يابابا؟

(9)

بابا ..... وزير الزراعة الجديد ده باين عليــه فقــر وقدمــه
نحــس .... اوعى تفرط فيــه يابابا لأنــه بقى أملنــا الوحيد

(10)

بابا...إنــت صحيح ناوي تجــدد تاني في 2011 ؟؟؟ باباااااااا......سيب شعرررررري ياباباااا.......
مين الناس دول يابابااااااااا
همّا واخدني ورايحين على فين
يابابااااااااا
بااابااااااااااااااااااااااا يا بااااااااااااااااباااااااااااااااااااااا باباااااااااااااااااااااااااااااااااااا

كلمه الرئيس الي شعبه

ياشعبي حبيبي يا روحي يا بيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ وآخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان ماتش كورة وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبرة وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

الي سياتو

إلى سيادتو
اللي كعادتو
دايما يسيب الشعب يتكلم على راحتو
من واحد بسيط م الناس
من الشعب اللي سعادتك مشرّفنا برعايته
كل حاجة تمام
وكلنا ماشيين على الخط اللى لينا رسمتو
ياسيادتو
*********
فاكر الواد اليتيم اللي حكيتلك عليه
الواد اللي عربية السيراميك دهست ايديه
افتكرتو ؟؟؟
بيسلم على سيادتك كتير
وبيقولك ممنونين
رحنا بيه التأمين
وعملوله عملية على إيدين أكبر ممرضين
هه... الموجودين
والحمد لله
فاضله صابعين سُـلام ف إيديه اليمين
وادّوله وهوّه ماشى جاراميسين
وعلبتين فيتامين
من أبو اتنين جنيه
متشكرين
على التأمين
اللي سيادتك عملتو
ياسيادتو
*********
وصاحبى طارق اللى حكيتلك عليه مرّة
امبارح بعتلي صورته من بلاد برّه
وفيها مراته
اسمها كاترين
وعياله بسم الله بيض منوّرين
صاحبي قعد يحاول يخطب هنا تسع سنين
ولما ماعرفش.. هاجر
لعن أبو النسوان والدش وفتارين المتاجر
صرخ وقال أمشى قبل ما أكون زيّكو تاجر
أساوم على عرضى والإسم شبكة ومهر
أذل طالب الحلال
وأرفع الفاجر
وراح مهاجر
ما تزعلش منو
غصب عنو
شباب بقى ومستعجل
السكن الرخيص والإيجار الجديد ورخص تمن الحديد هيه.. نهايتو
لسه كتير صابرين
مستنيين
الوعد اللي لينا وعدتو
ياسيادتو
*********
وعم أبو عطيّة
فرّاش المدرسة الثانويّة
قالي لما تشوف سيادتو تسلم عليه
الراجل دعالك بحرقة لحد ما احمرت عينيه
والله راجل طيب
وياما انحرم
راح طلعة الشهر اللي فات
يكشف قالولو عندك ورم
ولزمن لابد تعمل أشعة مقطعية
يحددوا نوع الورم وبعدين يعملو العملية
غلبان ياعم عطية
عارف الأشعة بكام يابيه
بمتين جنيه
منين ؟
ف مستشفى الحكومة ببلاش
لكن لازم ننتظر شهرين
واحنا لا ف ايدينا الوقت ولا القرشين
عملنا ايه؟؟؟
صبرنا
واحنا ف ايدنا حاجة غير الصبر
بس الموت هوه اللى مابيصبرش
بالأمر
وهناك فى القبر
هيعرفوه نوع الورم ببلاش
يعني كان هيلاقى منين يعمل العملية حتى لوكان عاش
أهي موتة كريمة أحسن من ذل السؤال
وعلى رأي اللي قال
الصبر للغلبان
والسجن للجدعان

الجلا جلا جلا

في زمان القهر و البهدلة
تركنا الفاس و المنجلة
نيام نيام غاوين حنجلةنمشى ورا من قال
الجلا .. جلا .. جلا
إكفي ماجور على أي تاريخ
وجعت الراس صياح و صريخ
ألا في ودنك يحطوا السيخ
المحمي بنار... بلا بكا
و لا .. ولـــــــوله
غمض عينك تاكل كنتاكي
ألبس بمبي و بلاش الكاكي
عيش حياتك حمار ملاكي
برتع إجري وراء غزال
الفلا .. فلا .. فلا
إنسى الدين دا الدين عويص
خلي حياتك حياة إبليس
إملا حياتك بالتهجيص
من طلب الهجص نال
العلا .. علا .. علا
إملا جيوبك بالعملات
سرقة نصب أو عمولات
تصبح قيمة لك وزارات
ملك لك على أيتها حال
بالسمسرة و الطرطرة

لزومه إيه تشقى و تتعب
بدون علم يجيك المكسب
بمص دم الشعب المتعب
من أفتى قال .. كله حلال
النال .. النال .. كوانال

احمد فؤاد نجم - حرنكش

عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك
سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص

البتاع بتاع البتاع

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاعفيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر حزين مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

*****************

ويبقي المقصود في بطن الشاعر

اقصد البتاع

***********************

ده شعب فقري

دا شعب فقرى
أحمد فؤاد نجم
نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا في يومين شقا
عايزين نجرب الإضطهاد
ونعوم ونغرق فى الفساد
بيني وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم

تضحيه رئيس

خمسة وعشرين سنة انجـاز * * حتى شوفوها في التلفــاز
شوفوا وزرائي بيشرحوا فيها * * كله حقيقة ما فيها مجــاز
التنمية مية لمية ومشاريـع * * ناجحة نجاح اعجـــاز
شوفوا المترو بيمشي بسرعة * * فيه شبابيك وابـواب وازاز
بس فيه ناس كذابة بيقولوا * * جايبة معاكم مية وجــاز
بيثيروا قلب احبابي عليـا * * ويحاربوني في استفـــزاز
بس انا مش شايــف في * * عنيكو الا مودة مع اعـزاز
انا باطعم 70 مليـــون * * علشان كده اشغالي كتيـر
بس انتو تقللوا شقاوتكـو * * وبلاش خلفة بدون تدبيـر
احيانا ما باشوفش النـوم * * وساعات باتعب من التفكير
انا علاقاتي بالدول الكبرى * * بتخليني حداها سفيـــر
انا لولايا لكنتم جعتــم * * باشحت لكو من غير تقتـير
انا بمكالمة في التليفــون * * باخلي سفينة القمح تسيـر
تيجي من روسيا او امريكا * * او من دولة اصغر بكتيــر
حكم بلدنا دا حمل ثقيـل * * اصعب من عيش الطوابيــر
انا باعمل مشاريع تنميـة * * للقرن الجاي وابعد بكتــير
شوف بطيخنا جاي مـن * * توشكى ولا الفلفل والجرجير
كل الخبرا شافوه من بـرة * * قالوا مشروعنا هايبقى خطير
بكرة ها نطعم كل اوروبا * * وافريقيا وباقي البلــدان
ويقولوا مصر خيرها عليهم * * ويستوردو منا بدنجــان
انا علشانكم حابس نفسي * * بين جدران وحياتي عذاب
كل ما افكر اسيب الكرسي * * ألاقي الناس بتسد البـاب
يقولوا هاتروح على فيـن * * وتسيبنا يا حنين يا بو الاحبـاب
من غيرك ممكن نتشــرد * * ولانعيش من غير انيــاب
كل العدا بيقولو دا عجـز * * بس انا حاسس كلي شباب
قوة..نشاط..حيوية..تدفق * * وحكمة شهد بيها الاغراب
كل دا بيخليني اتراجــع * * مع ان انا من حقي ارتـاح
حاسس لو سبت العمليـة * * ممكن تبقي سداح في مـداح
كل ما اسافر حــتى لبرة * * اشحت ع الشعب الغلبـان
اقضي زيارتي ما اشوفش * * الشارع قاعد كده بين الجدران
نفسي ف مرة اخش السيما * * ولا اتسوق من البســـتان
واشرب بيرة ف الجريـون * * وامشي ف باب اللوق عريان
بس باضحي براحتي لشعبي * * واضحي بروحي وقلبي كمان

حياه مواطن مصري في كلمتين

أم الـدنـيـا

******************
أنا شابّ زييِ زيكْ ويمكن كمان أًقًل

كل الفروق مابينا إني مًعايا قلم

بحاول بيه أفكر وأدردش وأكتب هبل

وبقافيه أو من غير بس مش حكتب ملل

عايز بجد أصرُخ عشان حاسس أمل

جايز يكون السر في أضعف خلقه أتعمل

بقينا 2007 بس زي80

جايز أشطح قوي يمكن أقل من 80

أحوالنا هياها بس عددنا قرب 80

والبنزين 90غِليي والدور على ال80

والمجاميع زادت قوي بس تِسّوَى80

وشبابنا سِنه صُغير والهَم خلاه 80

وحال البلد من زفت لنيله

إقتصادنا بينهار وديونا كبيره

والناس ماشيه يادوب بالتيله

وشغل مافيش والبطاله كتيره

والعنوسه زادت والرذيله بديله

وبين الوِحِشّ والحِلو حرف الشين وتشكيله

أَحّزَابـنا دايره في ساقيه مش عارف بس ليه

هدفها أيه بالضبط ...حد يقولي أيه

بـتـكمل المنظومه ولا بتعمل أيه

وجرايد المعارضه بِتكشِف الباشا والبيه

بتكشفهم لمين؟ دي الناس قدامها تايه حتبص وراها ليه

حروب ودايره بره وبره زي جوه

حروب هدفها أيه ...سلطه ونفوذ وقوه

طائفيه...أهليه..سياسيه...والله هو هو

بتضحكوا على مين!! ..روح إختشي يافتوه

ده العقل ربي خلقه يفهمها وهي طايره

وياريتها كانت طايره دي مفقوسه وبايره

مصيبتي إني عرفت إنهم فاكرينا مصدقين

إن دي حرب إرهاب وحمايه لفلسطين

مع إنها إباده واضحه لكل اللي عنده دين

وإحساسي بيقولي إنهم عارفين

إننا فاهمين.. وضعاف وسذج احنا عشان كده ساكتين

هربتوا مِنَا إِحنَا.... طيب ويوم الدين!!!

في بِلادنَا أب وأم مكويين بنار مصاريف

ولادهم عايشين بس يادوب برغيف

فيهم كتار أمي والمتعلم علام خفيف

نفسهم في أوضه مدهونه دهان نضيف

وفيها نسمة هوا والله مش تكييف

أصلهم دلوقتي سبعه في عشه... بجد مش تزييف

شبابنا حاير داير بين قناتين.... أفلام وأغاني

الواطي فيها عالي وبيدندن بمعاني

والشهره فيها سهله من غير حتى تفاني

كليب أو أكاديمي وهووب يوم والتاني

شبابنا حالته تكسف روح بص على القهاوي

منين تقوله إشتغل وإتعب وإسهر ليالي

وهو شايف غيره مأنتخ بس هاني

وبناتنا شُغلتهم ميك اب ولِبس يرد الروح

الباين منه أكتر وبالسر عمال يبوح

كل مَادَا بِترخص وريحتها عاماله تفوح

على قد حبيبها ماتدي...على قد مابيروح

وحتيجي في يوم وتبكي وهي جواها جروح

وتعرف أن قُربَها من دينها الصح.. مش الجنوح

كتير شباب نِفسُه يغير بس نِديهُم أمل

يحس إن الواسطه مش صح لأ ده العمل

الواسطه تعين واحد بس الباقي يشتغل

يشوف قدامه قدوه عشان يعمل زي ماعمل

وبشرط تفضل قدوه مش تتهد زي الجبل

أصلهم هَدوا كتير بالحق أو بالحِيَـل

تعليم وبالمجان ودلوقتي بقى تعبان

مستشفيات وصحه بفلوس إذا كان في مكان

ثقافه ومثقفين...لو أتكلم أكيد يزل اللسان

علوم وأبحاث ..ياتهج بره البلد ...ياتفوت علينا بكره أويمكن بعده كمان

ورياضه وقولنا إِصرف بحساب ومش بجنان

ويارب ديمها نعمه....نعمة النسيان

وكل سنه وإٍنتم طيبين وحلوين وجدعان

على فكره دي مش أُمي لوحدي...دي أُمك إنت كمان

*********************************

استغمايه

استغمايه

********

غمي عيونك

سد ودانك

إفتح بقك

قول انا فين

الشاطر فيكو

يحزر فزر

في دقيقتين

والإشطر منه

اللي يحزرها

في غمضة عين

والإشطر خالص ما يحزرش

يقول انا فين

والإشطر أشطر

اللي يبص يشوف بالعين
انا فين ؟

فيه ناس
اختلف في الموضوع
وحكاوي اتقالت
عن مواضيع
والناس لا مؤاخذة
في زمن الجوع
يتعشوا كلام
يفطروا تشنيع !
فيه واحد شافني
بلبده ولاسه
في باب اللوق
والتاني
لمحني بقفصين موز
علي باب السوق
والتالت شافني
في كاديلاك
راكب مع بنتين
والرابع
شافني ف طنطا
بابيع
بلابيع ونشوق !
وصحافه الصاوي
والورداوي
والجمال
وأباظه ولاظه
وباقي الدلاديل
والأندال
بتأكد جدا
جدا جدا بالتدقيق
إن انا محبوس
وباروح يوميا
للتحقيق!
طب اصدق مين
وأكدب مين ؟!
ماهي حاجه تمخول أيها عاقل
وانا مجنون
وباكلم نفسي
وعقلي صراحه
ماهوش مضمون
لو كنت بلبده ولاسه
وماشي ف باب اللوق
طب إيه مشاني
مفلس جدا
جنب السوق ؟!
لوكنت بدأت
كتاجر فاكهه
وبقفصين ؟
مش كنت زماني
معلم طمبه
وجوز اتنين؟
لوكنت ف كاديلاك
زي ما قال
التالت بيه
ومعايا بنات
زي الشربات
طب ح انزل ليه ؟!
لوكنت يا طنطا
بابيع بلابيع
وسطل وبخور
مش كنت زماني
مدير على جامع
أو مأمور ؟
وصحيح الصاوي
والورداوي
والجمال
حابسين أفكار الناس
في بلدنا
وعال العال
إياك قاصدين
إن انا مسجون
زي الملايين ؟
كده يبقي تمام
ولأول مره
ح اقول " صادقين "
بس انا لا مؤاخذه

وبالتدقيق

ماحصلشي معايا

ولا تحقيق !

مش حاجه تحير

طب أنا فين ؟

حزرتوا خلاص

فزرتوا خلاص ؟

عارفين

أنا فين

أنا ساكن قلبي ومتونس

بالناس

والناس الونسه كتير

ماليين القلب

وشاغلينه

سارحين في الدم

وفي التفكير

وجناين قلبي العمرانه

بالناس

الأزهار

العصافير

سايعاني

وسايعه اللي باحبه

وتساعي معايا

رفاقه كتير

شايفين انا فين ؟

الشاطر فيكو
يحزر فزر

في دقيقتين

والأشطر طبعا

حيحزرها

في غمضة عين

أنا ...... فين ؟

انشوده كل عاطل

أنشودة العاطليــــن


احنا شباب مصر المحروسة**** احنا شباب مصر العاطلين

شعرنا شاب والسن اتقدم **** بس املنا ييجي التعيين

اوحتى نلاقي شغلانة **** او سبوبة نجيب قرشين

العيشة في مصر بقت نيلة **** والاسعار اهي زي الطين

ياما تعبنا وياما ذاكرنا **** واهالينا شالوا الهم سنين

واخرتها قاعدين ع القهوة **** يوماتي نفتش في الجرانين

لكن الشغل ياعيني معدوم **** الا لاولاد الواصلين

دول بيلاقو الشغل كتير **** بنفوذ بابا وعمو حسين

كارت صغير او تليفون **** يفتح خمسين باب حلوين

كم سنة لما الواد يتودك **** ويعرف ماشية ازاي ولفين

يبدأ يعمل بيزنس خاص **** ويبقى حسابه بالملايين

ويجيب ناس يشتغلوا معاه **** برضو بكارت او تليفون

واحنا ياناس نقعد نتفرج **** ونقول بكرة ييجي التعيين

وييجي بكرة زي امبارح **** ونقول بعده وهايروح فين؟

دا نصيبنا من الدنيا ياناس **** نستناه سنة ولا اتنين!

*********

سنة ورا سنة والايام تجري **** واحنا على القهوة قاعدين

نتفرج على اهل البيزنس **** واولاد الامرة الناجحين

لحد العمر مايزحف بينا **** وتظهر شعرة بيضة واتنين

واحنا نقول دي هموم الدنيا **** لما الحلم يبان هاتهون

بكرة الشعر هايرجع اسود **** لما نشوف ورق التعيين

والقهوة قعدتها مملة **** "دومنة..طاولة..شاي..ينسون"

لما نمل القهوة ننام **** نفضل بالايام نايمين

و ساعات نتمنى ما نصحاش **** ونشوف واقع كله لعين

الجرنان بيقول فيه وظائف **** بس شبابنا ياناس هايفين

عايزين يقعدوا ف الارشيف **** وياخدوا اعانة للعاطلين

ونروح نجري على العنوان **** يقولوا لنا جايين مع مين؟

الواسطة ياجماعة دا شرط **** واحنا نجيب الواسطة منين؟

لو مش واسطة تبقى عمولة **** وما فيش اصعب من الاتنين!

********

الشعر الاسود بقى نادر **** والاطراف ما بقتش تلين

ونقول بكرة اهو جاي يا ناس **** بطلو تبقو متشائمين

إلى استنى تلاتين عام **** مش معضلة يصبر سنتين

ما بقاش فيه شعر اسود خالص **** والاسنان وقعو الصفين

الدكتور قال خف القهوة **** واوعى تقرب من التدخين

الدكتور قال فيه اضطرابات **** ف القلب وزغللة ف العين

فيه ف حياتك حاجة خطيرة **** فرحة كبيرة او حزنين

ف الشيخوخة الفرح بيتعب **** ذي الحزن يغوروا الاتنين

قلت له انا امبارح جاني في **** البوسطة جواب التعيين

زياره السيد الرئيس

مفقودات

زارَ الرئيسُ المؤتَمَـنْ
بعضَ ولاياتِ الوَطـنْ
وحينَ زارَ حيّـنا
قالَ لنا:
هاتوا شكاواكـم
بصِـدقٍ في العلـنْ
ولا تَخافـوا أَحَـدا
فقـدْ مضى ذاك َالزمَـنْ
فقالَ صاحِـبي حَسَـنْ
يا سيّـدي
أين الرغيفُ واللـبَـنْ؟
وأين تأمينُ السكـنْ ؟
وأيـن توفيرُ المِهَـنْ ؟
وأينمَـنْ
يوفـرُ الدواءَ للفقير دونمـا ثَمَـنْ ؟
يا سـيّدي
لـمْ نـرَمن ذلكَ شيئا أبدا
قالَ الرئيسُ في حَـزَنْ :
أحْـرقَ ربّـي جَسَـدي
أَكـلُّ هذا حاصـلٌ في بلـدي ؟
شكرا على صـدقِكَ في تـنبـيهنا يا ولـدي
سـوفَ ترى الخيرَ غـداً
وبَعــدَ عـام زارنـا
ومَـرةثانيَـة قالَ لنا :
هاتـوا شكاواكـمْ
بصـدق في العلـنْ
ولا تَخافـوا أحَـدا
فقـد مَضى ذاكَ الزمَـنْ
لم يَشتكِ الناسُ
فقمتُ مُعـلِنـا :
أينَ الرغيفُ واللـبَـنْ ؟
وأينَ تأمينُ السكـنْ ؟
وأينَ توفيـرُالمِهَـنْ ؟
وأينَ مَـنْ
يوفـر الدواءَ للفقير دونمَا ثمَنْ؟
مَعـذرة يا سيّـدي
وأيـن صاحـبي ( حَسَـنْ ) ؟

***********************

حسبي يا مصر

حاسبي يا مصر لتاخديلك شلوت
ده الضرب شغال في فلسطين و بيروت

و قطر الموت جاي و بيقول تووت تووت
و محدش ابدا منه يقدر يفوت

يا بلدي هوووش اوعي تطلعي الصوت
كل اللي صوت من الصويت حيموت

و اللي كان فاكر نفسه حليوه و كتكووت
قاعد بيدعي يا رب يومه يفوت


و سيبك من الشتيمه و اللي يقول يقول
و حاسبي بس انتي علي طبق الفول


لحسان عيالك كفرانين و تعبانين
و بيرجعوا من الشغل جعانين موووت

و حاسبي يا مصر و نعم الوكيل
الجحش الاسرائيلي مستحيل حيميل

و الوحش متمختر و فاكر نفسه جميل
و حيشوف اكيد سواد اسود من سواد الليل

اصل انتي يا مصر يا حلوه بلد النيل
فكك من المتخلف و الاهبل و العويل


و ان جه عليكي في يوم اخوكي يميل
طنشيه يا مصر و كأن عندك غسيل

عزيزي المواطن

عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


بلاش المناكفة و لايم و عيش
هتتعب معانا و سهمك يطيش
نلفق للاهلك قضية حشيش
و تصبح حكاية و نكتة و مثال:



تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال



هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحال



هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ...... " حذفتها عشان الرقابة"
و تلطم و تنعى احط الرجال



مالكش انت دعوة بى اا اللى ضاع
و مين اللى شارى و مين اللى باع
و مين اللى كيل و مين اللى شال



فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال



فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال



عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال......

بحبك يا حمار

بيقولوا في مطرب مكار
بيغني بحبك ياحمار
الواد دا وصولي وكداب
ومنافق وكمان معار
وإشمعنا لوحده اللي يحبك
كلـنا بنحبك يا حمار
********
دا لأنك فعلا متفاهم
ومبرتع فينا ومش فاهم
وبتبعد عن أي تفاهم
بعزيمة غبية وإصرار
في عِشرة ما بينا مابتهونشي
وإن هانت بردو مانقدرشي
محكمة العدل ما تحكمشي
وإن حكمت هتولع نار
********
مثلتوا علينا الثلاثية
في بطولة و كانت جماعية
وعشان ماهتكمل سداسية
عملتوا ألف حصار و حصار
و في وسط ميدان الحرية
في شعلة ماسكاها وليّة
ما تكونشي دي ليزا المخفية
مديّة إشارة إنذار
********
على العموم أنا حبيتك
و إلهي يابعيد يخرب بيتك
لو يوم هتشك في إخلاصي
وتصدق ذم الأشرار
هو سؤال و مفيهش هزار
هو أنت يعني حمار يا حمار؟
عشان تصدق إن الفار
ممكن يقول لأسد يا حمار
********
بعهدك والعهد أمانة
هتّنّك على طول ويانا
حمارية أهلك عجبانة
يا واخدنا من الدار للنار
كل الحميره هنا عملة تيم
واتفقوا إنك بغل عظيم
فهيوزعوا شربات برسيم
ع العربخانة وع الزوار
********
أرجوك يا حمار بس إفهمني
أنا مش حَمّـار هتخاف مني
دا أنا بردوا حمار و احمر منك
متنهّق قول أي حوار
********
بنقولك شيي مبتمشيشي
والحا بنقولها ما بتجيشي
ونقولك هس ما بتهيسيش
ومكمل بينا المشوار
وعشان كده طبعا حبينك
كـلـنا بنحبك يا حمار

طاطي راسك طاطي طــــاطي

طاطي راسك طاطي طــــاطي

انت ف وطن ديمقراطـــــــي

انت بتنـــعــــم بالحــــــــــرية

بس بشرط تكون مطاطــــــي

لما تكون شغــال بذمــــــــــة

خايف على مصــلحة الأمــة

شغلك يطلع من غير لازمــة

علشان مبيعلاش غير واطي

طاطي راسك طاطي طاطـــي

انت ف وطن ديمـــــقراطي

لما حاميها يكون حراميــها

وبلاده ورا ضهره رامـيـها

طالع نازل واكل فيـــــــــها

مسنود بالبدلة الظباطــــي

طاطي راسك طاطي طاطـــي

انت ف وطن ديمـــــقراطي

لما شــقاك يصــبح مش ليك

فقرك سد السكة علــــــــــيك

تتلفّت تلــــقى حـــوالـــــــيك

إما حرامي و إما عقــــاطي

طاطي راسك طاطي طاطــــي

انت ف وطن ديمقراطـــــــي

لماتلاقي بـــــلاد الـدنـيـــــــا

فيها البني آدم حــــاجة تانية

وانت في الطبقات الـــــــدنيا

قرد مسلسل أو وطواطــــي

طاطي راسك طاطي طاطـــي

انت ف وطن ديمقراطــــــي

لما الجهلة يبــــــقوا أمــامــك

أو فوقك ماسكــين ف زمامك

ويسوقك ع الهــلكة إمامك

تشرب م السم السقـــــراطي

طاطي راسك طاطــــي طاطي

انت ف وطن ديمقـــــــراطي
***********************